30/12/08

Visita ó parque de bombeiros

Hola amigos e FELIZ ANO NOVO a tod@s!!!
Como xa vedes, neste novo ano, aínda que sexa con algo de retraso, queremos seguir contándovos a novas que se van producindo no Poleiro. Agora, nas vacacións, facemos un pocuco de repaso e hoxe tócanos falarvos do que fixemos o día 5 de Decemro:visitamos o parque de bombeiros de Ribadumia.

Salimos cedo do colexio nun autobús grande e noutro máis pequeno. Ó chegar ó parque, dividíronnos en tres grupos para facer unha serie de visitas.Unha delas era ás oficinas onde os bombeiros collen as chamadas das emerxencias e se poñen en contacto cos outros parques a través dunha radio.Polos pasillos estaba todo cheo de fotos de accidentes, incendios...
Outro recuncho que visitamos foi onde teñen os uniformes para cambiarse cando teñen que saír cara un servicio: cascos, pantalóns, cazadoras, arnés...e deixáronlos probar, parecíamos auténticos bombeiros!!!

Coñecimos ós cans que teñen adestrados para buscar xente non incendios ou accidentes...e o que máis gracia nos fixo foi que ese cans ían a éscola coma nós!

Todo estivo interesante pero o que máis nos emocionou foi dar unha pequena volta dentro do camión tocando a serea.

Os bombeiros pedíronnos que lles fixéramnos uns debuxos das cousas do parque, do camión...e a cambio, déronnos unha estupenda merenda.

Ó acabar, ensináronnos unha especie de grúa que sube ata uns 30 metros para que os bombeiros poidan chegar, por exemplo, ós pisos altos para salvar a xente.Algúnha mestra subiu para probar a éxperiencia e fixéronnos fotos dende alá arriba.

Foi unha visita moi divertida e animada e serviunos para saber máis cousas dun oficio tan arriscado e emocionante como é este.

Por certo , queremos recordar a tódol@s nen@s que aínda que no parque de Ribadumia non traballan mulleres, sí hai sitios nos que sí o fan xa que non hai oficios exclusivo de homes.

Un saúdo!


25/11/08

SEGUIMOS TRABALLANDO...

Moi boas,amigos do Poleiro:
Sen que sega a aparecer a nosa bandeira pirata e con poucas esperanzas de que iso suceda...nós seguimos facéndonos co territorio ocupado. Nas últimas datas adicámosnos a averiguar cousas sobre a zona.

Gracias ó mestre Ramiro, puidemos saber a importancia que teñen as plantas e as árbores para as persoas, xa que ademáis de dar sombra en verán, froitos e flores que adornan os xardíns, as árbores limpan o aire que respiramos.De paso, aprendemos nomes dalgúns deles como o Piñeiro , o Carballo ou a Hortensia e analizamos a súas follas, flores e froitos.

Por outra banda, fómosnos introducindo nas tradicións propias do lugar, vivindo en primeira persoa as festas do Samaín e o Magosto.

Polo Samaín decoramos o noso edificio con castelos e personaxes monstruosos como arañas, pantasmas, morcegos...Ademáis, para espantar as bruxas na noite do 1 de Novembro adicámosnos a abrir e limpar cabazas para convertir en horribles caras que alumeaban con candeas dentro.

No Magosto, xogamos a levar castañas postas nunha culler que agarrábamos coa boca, a meternos dentro duns aros cando deixaba de soar unha música e a encestar castañas na boca dun pirata chamado "Comecastañas".Logo, para repoñer forzas...enchemolo bandullo con castañas asadas que nos botaron nuns cestiños que fixemos para a ocasión.

Agora podedes comprobar que todo isto ocorreu tal como vos contamos gracias ó reportaxe gráfico:

13/11/08

BÚSCASE BANDEIRA PIRATA (Poñerse en contacto cos piratas Polopatas no Poleiro).Ofécese recompensa.

Estimados/as visitantes do Poleiro: por primeira vez dende que creamos este blog, temos que contarvos unha noticia que nos pon algo tristes...Alguén con bastante mala idea pasou polo noso edificio de ed. infantil , e sen piedade algunha arrincou a nosa bandeira pirata.
Dende aquí, queremos mostrar o noso sentimento de incomprensión e pedimos que se alguen sabe algo...se poña en contacto con nós. Como non albergamos moitas esperanzas en recuperala, só desexamos que a quen a teña lle sirva de algo...
Pronto estaremos por aquí contándovos un monton de novidades máis alegres que esta última.Non deixedes de visitarnos e...facede algún comentario que non vos dades animado!

15/10/08

¡¡¡ÚLTIMA HORA!!!

Esta mañá (15 de Outubro) preto das 12:30 horas, "O Poleiro" sufriu a abordaxe dun grupo de piratas coñecidos como os "Polopata". Era un grupo duns sesenta lobos de mar, que para facer oficial a súa invasión, colocaron unha bandeira ante a atónita mirada de alumn@s e mestr@s do C:P.I. "Progreso".

Non deixaron de fotografiar o momento para colgar a instantánea nun blog pirata xunto a temible frase "Estos somos nos...". Manterémoslles informados.

22/9/08

ESTAMOS DE VOLTA!!!!!

Hola amig@s!!!!Estamos de volta comezando este novo curso 2008/09 con moitas forzas, gañas de traballar e esperando ter a vosa colaboración para que o número de visitantes ó noso "poleiro" sexa cada vez maior.

Para adiantarvos un pouquiño o que imos a facer este ano, podémosvos dicir que imos ser uns grandes...PIRATAS!!!.

No 1º trimestre, aprenderemos moitas cousas sobre os piratas e a súas costumes e as mestras aproveitarán para ampliar os nosos coñecementos sobre o corpo, as profesións...e moitas cousas máis.
Por certo, sabemos que hai problemas para que escibades os vosos comentarios; estamos na búsqueda da solución pero non deixedes de intentalo. Un saúdo!

30/5/08

Acuarium

O mércores 28 de Maio fomos de excursión. Aproveitando que estamos a falar dos animais na escola, as mestras pareceulles unha boa idea visitar o acuarium do Grove.

Esperamos con gran nerviosismo a chegada dese día pois emocionábanos ir en autobús a un lugar "tan lonxe" a ver peixes coma Nemo, tiburóns...

Saímos sobre as dez da mañán en dous autobuses e o chegar alí separarónnos en tres grupos para poder atender moi ben ó que nos dicían uns guías.

A visita foi moi interesante e vimos tartarugas, morenas, estrelas e ourizos de mar,caracolas...A cada un gustáronnos máis uns animais que outros pero todos sacamos unha lección moi importante gracias a unha balea, que non estaba ali, pero sí o seu esquelete: morrera por comer plásticos que a xente tirou ó mar.Quedounos moi claro o perigoso que pode ser non tirar a basura nas papeleiras ou nos contenedores apropiados.

Merendamos alí e volvemos, ainda que moi cansos, ledos e cun montón de cousas que contar.

22/5/08

Letras galegas



A semana do 12 de maio celebramos no cole a festa das letras galegas, que este ano estaba adicada ó escritor Xosé Mª Alvarez Blazquez. Con tal motivo, tivemos a visita duns pallasos cos que nos rimos un montón xogando, bailando...
Ademáis, fixemos un mural entre tod@s polo que a A.N.P.A. nos agasallou con gorras, gomas de borrar...e uns vales para mercar cousas para a escola.
E importante homenaxear @s nos@s escritor@s e se enriba, dito homenaxe ven acompañado de festa, premios, xogos... ¡mellor que mellor!

20/5/08

Excursión ó muíño

O día 25 de abril, as nenas e nenos de Ed. Infantil fomos ver o muíño da Ponte, en Fonte Gaiteira. Como estamos a traballar os alimentos, queríamos saber como se moe o millo para facer fariña. O muíño é unha caseta pequena que ten unhas pedras moi grandes dentro e que xiran coa forza da auga dun regato que pasa por debaixo. O xirar as pedras os grans de millo rompían e facíanse moi pequenos ata que se convertían en fariña. Unha señora ensinounos com se fai para que xire máis rápido ou máis despacio. Pasámolo moi ben. Merendamos, xogamos...e volvimos ó colexio andando lixeiros.




Video: "facemos fariña"

video

15/4/08

Aquí estamos!!!!

Ola,
Somos os nenos e nenas de Educación Infantil de Catoira. Acabamos de crear este blog para contarvos moitas cousas que facemos aquí arriba.